ਬਹੁਤ ਸਾਰੇ ਕਿਸਾਨ ਦੁੱਧ ਵੇਚਕੇ ਆਪਣਾ ਘਰ ਚਲਾਉਂਦੇ ਹਨ ਅਤੇ ਦੁੱਧ ਉਤਪਾਦਕ ਕਿਸਾਨਾਂ ਵੱਲੋਂ ਲਗਾਤਾਰ ਇਹ ਮੰਗ ਕੀਤੀ ਜਾਂਦੀ ਹੈ ਕਿ ਦੁੱਧ ਦੀ ਕੀਮਤ ਵਿਚ ਵਾਧਾ ਕੀਤਾ ਜਾਵੇ। ਕਿਉਂਕਿ ਹਰ ਸਾਲ ਫੀਡ ਦੀਆਂ ਕੀਮਤਾਂ ਅਤੇ ਹੋਰ ਲਾਗਤ ਵੀ ਵਧਦੀ ਜਾ ਰਹੀ ਹੈ ਪਰ ਦੁੱਧ ਦੇ ਰੇਟਾਂ ਵਿੱਚ ਵਾਧਾ ਨਹੀਂ ਹੋ ਰਿਹਾ।
ਪਸ਼ੂਪਾਲਕ ਕਿਸਾਨਾਂ ਦਾ ਕਹਿਣਾ ਹੈ ਕਿ ਵੱਧ ਰਹੀ ਮਹਿੰਗਾਈ ਕਾਰਨ ਪਸ਼ੂਆਂ ਦਾ ਚਾਰਾ ਵੀ ਬਹੁਤ ਮਹਿੰਗਾ ਹੋ ਗਿਆ ਹੈ। ਹਾਲਾਂਕਿ ਸਰਕਾਰ ਵੱਲੋਂ ਕੁਝ ਵਾਧਾ ਜਰੂਰ ਕੀਤਾ ਗਿਆ ਸੀ ਪਰ ਫਿਰ ਵੀ ਪਿਛਲੇ ਲੰਬੇ ਸਮੇਂ ਤੋਂ ਦੁੱਧ ਦੇ ਰੇਟਾਂ ਵਿੱਚ ਕੋਈ ਜਿਆਦਾ ਵਾਧਾ ਦੇਖਣ ਨੂੰ ਨਹੀਂ ਮਿਲਿਆ। ਕਿਸਾਨ ਵੀਰੋ ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੀ ਜਾਣਕਾਰੀ ਦੇਵਾਂਗੇ ਜਿਸਤੋਂ ਬਾਅਦ ਤੁਸੀਂ ਦੁੱਧ ਲਗਭਗ 200 ਰੁਪਏ ਲੀਟਰ ਦੇ ਰੇਟ ‘ਤੇ ਵੇਚ ਸਕਦੇ ਹੋ।
ਜਿਵੇਂ ਕਿ ਤੁਸੀਂ ਜਾਣਦੇ ਹੋ ਕਿ ਅੱਜ ਕੱਲ੍ਹ ਕੋਈ ਵੀ ਨਵਾਂ ਕੰਮ ਸ਼ੁਰੂ ਕਰਦਾ ਹੈ ਤਾਂ ਉਨ੍ਹਾਂ ਦੀ ਇੱਕ ਯੂਨੀਅਨ ਬਣਦੀ ਹੈ ਅਤੇ ਉਸ ਯੂਨੀਅਨ ਦੇ ਵਿੱਚ ਹਰ ਚੀਜ ਦੇ ਰੇਟ ਤੈਅ ਕੀਤੇ ਜਾਂਦੇ ਹਨ। ਉਸ ਰੇਟ ਤੋਂ ਘੱਟ ਜੇਕਰ ਕੋਈ ਕੰਮ ਕਰਦਾ ਹੈ ਤਾਂ ਉਸਨੂੰ ਯੂਨੀਅਨ ਵੱਲੋਂ ਜ਼ੁਰਮਾਨਾ ਵੀ ਕੀਤਾ ਜਾਂਦਾ ਹੈ। ਪਰ ਪਸ਼ੂਪਾਲਕ ਕਿਸਾਨ ਆਪਣੇ ਪਸ਼ੂਆਂ ਦਾ ਦੁੱਧ ਕੌਡੀਆਂ ਦੇ ਭਾਅ ਵੇਚ ਰਹੇ ਹਨ।
ਦੁੱਧ ਦੇ ਰੇਟ ਏਨੇ ਘੱਟ ਮਿਲਣ ਦਾ ਸਭਤੋਂ ਵੱਡਾ ਕਾਰਨ ਕਿਸਾਨਾਂ ਦੀ ਆਪਣੀ ਗਲਤੀ ਹੀ ਹੈ। ਜਿਵੇਂ ਕਿ ਤੁਸੀਂ ਜਾਣਦੇ ਹੋ ਕਿ ਪਿਛਲੇ ਦੋ ਤੋਂ ਤਿੰਨ ਸਾਲਾਂ ਵਿੱਚ ਫੀਡਾਂ ਦੇ ਰੇਟ ਦੁੱਗਣੇ ਤੋਂ ਵੀ ਜਿਆਦਾ ਹੋ ਚੁੱਕੇ ਹਨ। ਪਰ ਦੁੱਧ ਦਾ ਰੇਟ ਉੱਥੇ ਹੀ ਖੜਾ ਹੈ ਅਤੇ ਕਿਸਾਨਾਂ ਨੂੰ ਘਾਟੇ ਨਾਲ ਦੁੱਧ ਵੇਚਣਾ ਪੈ ਰਿਹਾ ਹੈ। ਕਿਉਂਕਿ ਦੁੱਧ ਦੇ ਜੋ ਰੇਟ ਹਨ ਊਨਾ ਵਿੱਚ ਤਾਂ ਖਰਚਾ ਵੀ ਪੂਰਾ ਨਹੀਂ ਹੁੰਦਾ।
ਸਰਕਾਰ ਵੱਲੋਂ ਦੁੱਧ ਦਾ ਰੇਟ ਵਧਾਇਆ ਤਾਂ ਜਾਂਦਾ ਹੈ ਪਰ ਉਹ ਵਾਧਾ ਕੁਝ ਪੈਸਿਆਂ ਦਾ ਹੀ ਹੁੰਦਾ ਹੈ ਅਤੇ ਕਿਸਾਨ ਡੇਰੀਆਂ ‘ਤੇ ਉਹੀ ਪੁਰਾਣੇ ਰੇਟਾਂ ‘ਤੇ ਦੁੱਧ ਵੇਚਣ ਲਈ ਮਜਬੂਰ ਹਨ। ਕਿਸਾਨ ਚਾਹੁਣ ਤਾਂ ਉਹ ਵੀ ਬਾਕੀ ਕਾਰੋਬਾਰੀਆਂ ਦੇ ਵਾਂਗ ਆਪਣੀ ਇੱਕ ਯੂਨੀਅਨ ਬਣਾਕੇ ਦੁੱਧ ਦੇ ਰੇਟ ਤੈਅ ਕਰਨ ਅਤੇ ਤੈਅ ਰੇਟ ਤੋਂ ਘੱਟ ਦੁੱਧ ਨਾ ਵੇਚਣ। ਫੇਰ ਜੇਕਰ ਕਿਸਾਨ 200 ਰੁਪਏ ਲਿਟਰ ਦੁੱਧ ਵੇਚਣ ਤਾਂ ਵੀ ਵਿਕ ਸਕਦਾ ਹੈ
ਜਿਵੇ ਹੁਣ ਟਮਾਟਰ ਦੀ ਉਦਾਹਰਣ ਲੈ ਲਓ ਕਿਸਾਨਾਂ ਨੇ ਤਾਂ ਟਮਾਟਰ ਪਹਿਲਾਂ ਹੀ ਵੇਚ 3 ਰੁਪਏ ਕਿੱਲੋ ਦਿੱਤੇ ਸੀ । ਹੁਣ ਸਾਰੇ ਟਮਾਟਰ ਵਪਾਰੀਆਂ ਨੇ ਸਟੋਰ ਕਰਕੇ ਰੱਖੇ ਹਨ ਤੇ 250 ਰੁ ਕਿੱਲੋ ਵੇਚ ਰਹੇ ਹਨ । ਸਰਕਾਰ ਬਿਲਕੁਲ ਚੁੱਪ ਬੈਠੀ ਹੈ ਵਪਾਰੀ ਆਪਣੀ ਮਰਜੀ ਦੇ ਰੇਟ ਤੇ ਟਮਾਟਰ ਵੇਚ ਰਹੇ ਹਨ।ਕਿਓਂਕਿ ਉਹਨਾਂ ਵਿਚ ਏਕਾ ਹੈ ਕਿਸਾਨਾਂ ਵਾਂਗੂ ਨਹੀਂ ਕੇ ਇਕ ਨੇ ਸਸਤਾ ਕਰਕੇ ਵੇਚ ਦਿੱਤੇ ਹੋਣ ਇਸੇ ਤਰਾਂ ਜੇਕਰ ਕਿਸਾਨ ਵੀ ਯੂਨੀਅਨ ਬਣਾ ਲੈਣ ਤਾਂ ਕਿਸਾਨਾਂ ਨੂੰ ਵੀ ਆਪਣੀ ਕਾਸ਼ਤ ਦਾ ਸਹੀ ਮੁੱਲ ਮਿਲ ਸਕਦਾ ਹੈ ।
