ਜੇਕਰ ਤੁਹਾਡੇ ਕੋਲ ਵੀ 15 ਸਾਲ ਤੋਂ ਪੁਰਾਣਾ ਕੋਈ ਵਾਹਨ ਹੈ ਤਾਂ ਤੁਹਾਡੇ ਲਈ ਇੱਕ ਵੱਡੀ ਖ਼ਬਰ ਹੈ। ਕਿਉਂਕਿ ਹੁਣ ਜਲਦੀ ਹੀ ਤੁਹਾਡਾ ਪੁਰਾਣਾ ਵਾਹਨ ਕਬਾੜ ਵਿੱਚ ਬਦਲ ਸਕਦਾ ਹੈ ਅਤੇ ਤੁਸੀਂ ਇਸਨੂੰ ਰੋਡ ‘ਤੇ ਨਹੀਂ ਚਲਾ ਸਕੋਗੇ। ਤੁਹਾਨੂੰ ਦੱਸ ਦੇਈਏ ਕੇਂਦਰ ਸਰਕਾਰ ਵੱਲੋਂ ਰਾਸ਼ਟਰੀ ਆਟੋਮੋਬਾਈਲ ਸਕ੍ਰੈਪੇਜ ਨੀਤੀ ਦੀ ਸ਼ੁਰੂਆਤ ਕਰ ਦਿੱਤੀ ਗਈ ਹੈ।
ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਨੀਤੀ ਨਿਊ ਇੰਡੀਆ ਦੇ ਆਟੋ ਸੈਕਟਰ ਨੂੰ ਨਵੀਂ ਪਛਾਣ ਦੇਣ ਜਾ ਰਹੀ ਹੈ। ਇਸ ਨੀਤੀ ਦੇ ਤਹਿਤ ਤੁਹਾਡਾ 15 ਸਾਲ ਪੁਰਾਣਾ ਵਾਹਨ ਕਬਾੜ ਵਿਚ ਭੇਜ ਦਿੱਤਾ ਜਾਵੇਗਾ। ਯਾਨੀ ਤੁਹਾਡੇ ਕੋਲ ਕੋਈ ਵੀ 15 ਸਾਲ ਤੋਂ ਪੁਰਾਣਾ ਵਹੀਕਲ ਹੈ ਤਾਂ ਉਹ ਹੁਣ ਤੁਸੀਂ ਰੋਡ ਉੱਤੇ ਨਹੀਂ ਚਲਾ ਸਕੋਗੇ, ਫਿਰ ਚਾਹੇ ਉਹ ਸਕੂਟਰ, ਮੋਟਰਸਾਈਕਲ, ਕਾਰ ਜਾਂ ਹੋਰ ਕੋਈ ਵੀ ਵਾਹਨ ਹੋਵੇ।
ਇਸੇ ਤਰਾਂ ਖੇਤੀ ਸੈਕਟਰ ਦੀ ਗੱਲ ਕਰੀਏ ਤਾਂ ਫਿਲਹਾਲ ਇਸ ਬਾਰੇ ਹਾਲੇ ਤੱਕ ਕੋਈ ਸਪਸ਼ਟੀਕਰਨ ਨਹੀਂ ਦਿੱਤਾ ਗਿਆ ਹੈ, ਪਰ ਹੋ ਸਕਦਾ ਹੈ ਕਿ 15 ਸਾਲ ਪੁਰਾਣੇ ਟ੍ਰੈਕਟਰ ਵੀ ਬੰਦ ਹੋ ਜਾਣ ਅਤੇ ਕਿਸਾਨਾਂ ਨੂੰ ਇਨ੍ਹਾਂ ਨੂੰ ਕਬਾੜ ਵਿੱਚ ਭੇਜਣਾ ਪਵੇ। ਕਿਉਂਕਿ ਇਸ ਨਵੇਂ ਵਹੀਕਲ ਐਕਟ ਦੇ ਵਿੱਚ ਇਹ ਕਿਹਾ ਗਿਆ ਹੈ ਕਿ 15 ਸਾਲ ਪੁਰਾਣੀ ਹਰ ਮਸ਼ੀਨਰੀ ਦੀ ਰਜਿਸਟਰੇਸ਼ਨ ਰੱਦ ਕਰ ਦਿੱਤੀ ਜਾਵੇਗੀ।
ਜਾਣਕਾਰੀ ਦੇ ਅਨੁਸਾਰ ਇਹ ਨਵਾਂ ਐਕਟ 1 ਅਪ੍ਰੈਲ 2023 ਤੋਂ ਲਾਗੂ ਹੋਵੇਗਾ ਅਤੇ ਇਸਤੋਂ ਬਾਅਦ ਪੁਰਾਣੇ ਵਾਹਨ ਤੁਸੀਂ ਸੜਕਾਂ ਉੱਤੇ ਨਹੀਂ ਚਲਾ ਸਕੋਗੇ। ਇਸਦੇ ਨਾਲ ਹੀ ਇਕ ਹੋ ਵੱਡੀ ਖਬਰ ਇਹ ਵੀ ਆ ਰਹੀ ਹੈ ਕਿ ਹੋ ਸਕਦਾ ਹੈ ਕਿ ਟਰੈਕਟਰਾਂ ਦੀ ਮੋਡਿਫਿਕੇਸ਼ਨ ‘ਤੇ ਵੀ ਪਾਬੰਦੀ ਲਗਾ ਦਿੱਤੀ ਜਾਵੇ। ਬਹੁਤ ਸਾਰੇ ਕਿਸਾਨ ਬਹੁਤ ਸ਼ੌਂਕ ਨਾਲ ਟ੍ਰੈਕਟਰ ਨੂੰ ਮੋਡੀਫਾਈ ਕਰਵਾਉਂਦੇ ਹਨ।
ਪਰ ਹੁਣ ਹੋ ਸਕਦਾ ਹੈ ਤੁਸੀਂ ਇਹ ਨਾ ਕਰਵਾ ਸਕੋ ਅਤੇ ਜਿਵੇਂ ਕੰਪਨੀ ਵੱਲੋਂ ਟ੍ਰੈਕਟਰ ਮਿਲਦਾ ਹੈ, ਤੁਹਾਨੂੰ ਉਸੇ ਤਰਾਂ ਹੀ ਰੱਖਣਾ ਪੈ ਸਕਦਾ ਹੈ। ਪੂਰੀ ਜਾਣਕਾਰੀ ਦੇ ਲਈ ਹੇਠਾਂ ਦਿੱਤੀ ਗਈ ਵੀਡੀਓ ਦੇਖੋ….
*Terms of Service – We do not have the copyright of this Content on this website. The copyright under to the respective owners of the videos uploaded to You tube . If you find any Content encroach your copyright or trademark, and want it to be removed or replaced by your original content, please contact us mailto:unnatkheti@gmail.com
