ਆ ਗਈ ਝੋਨਾ ਸਾਫ ਕਰਨ ਵਾਲੀ ਨਵੀਂ ਤਕਨੀਕ ਦੀ ਮਸ਼ੀਨ, ਇੱਥੋਂ ਤਿਆਰ ਕਰਵਾਓ

ਝੋਨੇ ਦੀ ਵਾਢੀ ਦਾ ਕੰਮ ਪੂਰੇ ਜੋਰਾਂ ਉੱਤੇ ਚੱਲ ਰਿਹਾ ਹੈ ਅਤੇ ਝੋਨੇ ਦੀ ਫਸਲ ਮੰਡੀਆਂ ਵਿੱਚ ਪਹੁੰਚ ਰਹੀ ਹੈ। ਹਰ ਕਿਸਾਨ ਇਹੀ ਚਾਹੁੰਦਾ ਹੈ ਕਿ ਉਸਦੀ ਫਸਲ ਸਹੀ ਸਲਾਮਤ ਮੰਡੀ ਤੱਕ ਪਹੁੰਚ ਸਕੇ ਅਤੇ ਉਸਨੂੰ ਆਪਣੀ ਮੇਹਨਤ ਦਾ ਚੰਗਾ ਮੁੱਲ ਮਿਲੇ ਯਾਨੀ ਉਸਦੀ ਫਸਲ ਚੰਗੇ ਭਾਅ ‘ਤੇ ਵਿਕੇ। ਪਰ ਕਿਸਾਨਾਂ ਨੂੰ ਇੱਕ ਵੱਡੀ ਸਮੱਸਿਆ ਇਹ ਆਉਂਦੀ ਹੈ ਕਿ ਝੋਨੇ ਨੂੰ ਸਾਫ ਕਰਕੇ ਬੋਰੀਆਂ ਵਿੱਚ ਪਾਉਣ ਲਈ ਕਾਫੀ ਲੇਬਰ ਦੀ ਲੋੜ ਹੁੰਦੀ ਹੈ।

ਇਸ ਕੰਮ ਨੂੰ ਕਰਨ ਲਈ ਸਮਾਂ ਵੀ ਕਾਫੀ ਲਗਦਾ ਹੈ ਅਤੇ ਲੇਬਰ ਜਿਆਦਾ ਲਗਾਉਣੀ ਪੈਂਦੀ ਹੈ ਜਿਸ ਕਾਰਨ ਕਿਸਾਨਾਂ ਦਾ ਬਹੁਤ ਖਰਚਾ ਹੁੰਦਾ ਹੈ। ਲੇਬਰ ਦਾ ਕੰਮ ਝੋਨੇ ਨੂੰ ਸਾਫ ਕਰਕੇ ਬੋਰੀਆਂ ਵਿੱਚ ਪਾਉਣਾ ਹੁੰਦਾ ਹੈ। ਪਰ ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੀ ਕਮਾਲ ਦੀ ਮਸ਼ੀਨ ਬਾਰੇ ਦੱਸਣ ਜਾ ਰਹੇ ਹਾਂ ਜੋ ਕਿ ਮਿੰਟਾਂ ਵਿੱਚ ਹੀ ਝੋਨੇ ਨੂੰ ਸਾਫ ਕਰਕੇ ਬੋਰੀਆਂ ਦੇ ਵਿੱਚ ਪਾ ਦਿੰਦੀ ਹੈ।

ਇਸ ਮਸ਼ੀਨ ਵਿੱਚ ਇੱਕ ਸਪਰਿੰਗ ਦਾ ਐਲੀਵੇਟਰ ਦਿੱਤਾ ਗਿਆ ਹੈ ਜਿਸ ਤਰਾਂ ਕੰਬਾਈਨ ਦੇ ਆਊਟਰ ਦੇ ਵਿੱਚ ਹੁੰਦਾ ਹੈ। ਇਸ ਨੂੰ ਜਿੰਨਾ ਮਰਜੀ ਚਲਾਈ ਜਾਓ, ਇਹ ਕਦੇ ਵੀ ਖਰਾਬ ਨਹੀਂ ਹੋਵੇਗਾ। ਇਸ ਐਲੀਵੇਟਰ ਤੋਂ ਝੋਨਾ ਸਿੱਧਾ ਪੱਖੇ ਦੇ ਵਿੱਚ ਜਾਂਦਾ ਹੈ ਅਤੇ ਸਾਫ ਹੋਕੇ ਦੂਸਰੇ ਐਲੀਵੇਟਰ ਦੀ ਮਦਦ ਨਾਲ ਸਿੱਧਾ ਬੋਰੀ ਦੇ ਵਿੱਚ ਪੈ ਜਾਂਦਾ ਹੈ। ਯਾਨੀ ਕਿ ਇਹ ਮਸ਼ੀਨ ਪੀਪਿਆਂ ਵਾਲਾ ਕੰਮ ਬਿਲਕੁਲ ਖਤਮ ਕਰ ਦੇਵੇਗੀ ਅਤੇ ਲੇਬਰ ਵੀ ਬਹੁਤ ਘੱਟ ਲੱਗੇਗੀ।

ਇਹ ਮਸ਼ੀਨ ਤੁਸੀਂ ਨਵੀਂ ਵੀ ਖਰੀਦ ਸਕਦੇ ਹੋ ਅਤੇ ਜੇਕਰ ਤੁਸੀਂ ਪੁਰਾਣੇ ਪੱਖੇ ‘ਤੇ ਇਹ ਸਿਸਟਮ ਲਗਵਾਉਣਾ ਚਾਹੁੰਦੇ ਹੋ ਤਾਂ ਉਹਦੇ ‘ਤੇ ਵੀ ਲਗਵਾ ਸਕਦੇ ਹੋ। ਇਸ ਮਸੀਂ ਨੂੰ ਵਿਕਾਸ ਐਗਰੋ (ਬਰਨਾਲਾ) ਵਲੋਂ ਤਿਆਰ ਕੀਤਾ ਗਿਆ ਹੈ। ਜਿੱਥੇ ਦੂਸਰੀ ਮਸ਼ੀਨ ‘ਤੇ ਕੰਮ ਕਰਨ ਲਈ ਲਗਭਗ 7-8 ਬੰਦਿਆਂ ਦੀ ਲੋੜ ਹੁੰਦੀ ਹੈ, ਉੱਥੇ ਹੀ ਇਸ ਮਸ਼ੀਨ ਤੇ ਸਿਰਫ 3 ਬੰਦੇ ਕੰਮ ਕਰ ਸਕਦੇ ਹਨ ਅਤੇ ਇਹ ਮਸ਼ੀਨ ਦੂਸਰੀ ਮਸ਼ੀਨ ਨਾਲੋਂ ਦੁੱਗਣੀ ਸਪੀਡ ‘ਤੇ ਬੋਰੀਆਂ ਭਰੇਗੀ।

ਇਸ ਮਸ਼ੀਨ ਦੀ ਪੂਰੀ ਜਾਣਕਾਰੀ ਲਈ ਹੇਠਾਂ ਦਿੱਤੀ ਗਈ ਵੀਡੀਓ ਦੇਖੋ….

*Terms of Service – We do not have the copyright of this Content on this website. The copyright under to the respective owners of the videos uploaded to You tube . If you find any Content encroach your copyright or trademark, and want it to be removed or replaced by your original content, please contact us mailto:unnatkheti@gmail.com