ਫਸਲ ਦੀ ਰਾਖੀ ਲਈ ਕਿਸਾਨ ਨੇ ਬਣਾਇਆ ਜੁਗਾੜ ਸਾਇਰਨ , ਇਸ ਤਰਾਂ ਕਰਦਾ ਹੈ ਕੰਮ

February 3, 2018

ਫਸਲ ਦੀ ਰਾਖੀ ਲਈ ਇੱਕ ਕਿਸਾਨ ਨੇ ਜੁਗਾੜ ਸਾਇਰਨ ਬਣਾਇਆ ਹੈ । 9 ਵੀ ਜਮਾਤ ਤੱਕ ਪੜੇ ਗੋਪਾਲ ਨੇ ਸਾਇਰਨ ਖਾਸ ਤੌਰ ‘ਤੇ ਅਫੀਮ ਫਸਲ ਦੀ ਸੁਰੱਖਿਆ ਲਈ ਬਣਾਇਆ ਹੈ ।(ਤੁਸੀਂ ਪੜ੍ਹ ਰਹੇ ਹੋ ਉੱਨਤ ਖੇਤੀ)ਉਸਦੇ ਬਣਾਏ ਜੁਗਾੜ ਸਾਇਰਨ ਨੀਮਚ , ਚਿਤੌੜਗੜ੍ਹ , ਸ਼ਾਹਪੁਰਾ ਤੱਕ ਦੇ ਕਿਸਾਨ ਲੈ ਕੇ ਜਾਂਦੇ ਹਨ ।

  • ਰੂਪਪੁਰਾ ਪਿੰਡ ਨਿਵਾਸੀ ਗੋਪਾਲ ਧਾਕੜ ਪੁੱਤ ਨਾਰਾਇਣਲਾਲ ਧਾਕੜ ਬੇਗੂੰ ਵਿੱਚ ਬਿਜਲੀ ਦੇ ਸਮਾਨ ਦੀ ਦੁਕਾਨ ਚਲਾਉਂਦਾ ਹੈ ।
  • ਦੋ ਸਾਲ ਪਹਿਲਾਂ ਗੋਪਾਲ ਨੂੰ ਇਹ ਆਇਡਿਆ ਆਇਆ । ਗੋਪਾਲ ਨੇ ਸੋਚਿਆ ਕਿਉਂ ਨਾ ਅਜਿਹਾ ਸਾਇਰਨ ਬਣਾ ਦਿੱਤਾ ਜਾਵੇ ਜੋ ਰਾਤ ਨੂੰ ਵੱਜਦਾ ਰਹੇ । ਜਿਸਦੇ ਨਾਲ ਜਾਨਵਰ ਵੀ ਭੱਜ ਜਾਣ ਅਤੇ ਕਿਸਾਨ ਦੀ ਰਾਤ ਦੀ ਨੀਂਦ ਖ਼ਰਾਬ ਨਾ ਹੋਵੇ। ਗੋਪਾਲ ਨੇ ਆਪਣੀ ਦੁਕਾਨ ਤੋਂ ਤਰ੍ਹਾਂ – ਤਰ੍ਹਾਂ ਦੇ ਸਾਮਾਨ ਇਕੱਠਾ ਕੀਤਾ ਅਤੇ ਜੁਗਾੜ ਸਾਇਰਨ ਬਣਾ ਦਿੱਤਾ ।

ਬੇਟੇ ਤੋਂ ਲਈ ਮਦਦ

  • ਗੋਪਾਲ ਨੇ ਇੰਜੀਨਿਅਰਿੰਗ ਸਟੂਡੇਂਟ ਆਪਣੇ ਬੇਟੇ ਮਹੇਸ਼ ਧਾਕੜ ਤੋਂ ਵੀ ਤਕਨੀਕੀ ਮਦਦ ਲਈ । ਬੇਗੂੰ ਖੇਤਰ ਦੇ ਸਾਰੇ ਅਫੀਮ ਖੇਤਾਂ ਵਿੱਚ ਹੁਣ ਇਹ ਜੁਗਾੜ ਸਾਇਰਨ ਲੱਗੇ ਹਨ , ਜੋ ਰਾਤਭਰ ਚਾਰ ਪ੍ਰਕਾਰ ਦੀ ਅਵਾਜ ਕੱਢਦੇ ਹਨ ।
  • ਜੁਗਾੜ ਸਾਇਰਨ ਭੀਲਵਾੜਾ , ਚਿਤੌੜਗੜ੍ਹ , ਸ਼ਾਹਪੁਰਾ , ਮੱਧਪ੍ਰਦੇਸ਼ ਦੇ ਨੀਮਚ ਜਿਲ੍ਹੇ ਦੇ ਕਿਸਾਨ ਖਰੀਦ ਲੈ ਜਾਂਦੇ ਹਨ ।

6 ਵਾਲਟ ਦੀ ਬੈਟਰੀ ਨਾਲ 12 ਘੰਟੇ ਵੱਜਦਾ ਹੈ ਸਾਇਰਨ

  • ਗੋਪਾਲ ਨੇ ਦੱਸਿਆ ਕਿ ਜੁਗਾੜ ਸਾਇਰਨ ਵਿੱਚ 10 ਟਰਾਂਜਿਸਟਰ ਪੀ ਸੀ ਪੀ , 6 ਵਾਲਟ ਦੀ ਬੈਟਰੀ , 9 ਵਾਲਟ ਦਾ ਟਰਾਂਸਫਾਰਮਰ ਇੱਕ ਪਲਾਸਟਿਕ ਦੇ ਡਿੱਬੇ ਵਿੱਚ ਲਗਾਏ ਜਾਂਦੇ ਹਨ ।
  • ਡਿੱਬੇ ਦੇ ਬਾਹਰ ਚਾਰਾਂ ਦਿਸ਼ਾਵਾਂ ਵਿੱਚ 12 ਵਾਲਟ ਦੇ ਚਾਰ ਸਾਇਰਨ ਲਾ ਕੇ ਜੁਗਾੜ ਤਿਆਰ ਕੀਤਾ ਜਾਂਦਾ ਹੈ ।
  • 700 – 800 ਰੁਪਏ ਦੇ ਸਮਾਨ ਨਾਲ ਇਹ ਬਣਦਾ ਹੈ । ਇੱਕ ਬੈਟਰੀ ਨਾਲ ਇਹ ਜੁਗਾੜ ਪੂਰੀ ਰਾਤ ਯਾਨੀ ਕਿ 12 ਘੰਟੇ ਤੱਕ ਵੱਜਦਾ ਰਹਿੰਦਾ ਹੈ ।