ਪੰਜਾਬ ਦੇ ਕਿਸਾਨਾਂ ਲਈ ਆਸਟ੍ਰੇਲੀਆ ਨੇ ਖੋਲ੍ਹੇ ਦਰਵਾਜ਼ੇ

March 3, 2018

ਖੇਤੀ ਨੂੰ ਵਾਧਾ ਦੇਣ ਲਈ ਆਸਟ੍ਰੇਲੀਆ ਦੀ ਸਰਕਾਰ ਨੇ ਵਿਦੇਸ਼ੀ ਕਿਸਾਨਾਂ ਲਈ ਆਪਣੇ ਦਰਵਾਜ਼ੇ ਖੋਲ੍ਹ ਦਿੱਤੇ ਹਨ। ਆਸਟ੍ਰੇਲੀਆ ਦਾ ਵਿਦੇਸ਼ੀ ਨਿਵੇਸ਼ ਸਮੀਖਿਆ ਬੋਰਡ, ਵਿਦੇਸ਼ੀ ਕਿਸਾਨਾਂ ਲਈ ਨਿਯਮਾਂ ”ਚ ਢਿੱਲ ਦੇ ਰਿਹਾ ਹੈ। ਪੰਜਾਬ ਦੇ ਕਿਸਾਨ ਇਸ ਤੋਂ ਆਕਰਸ਼ਤ ਹੋ ਕੇ ਉੱਥੇ ਦਾ ਰੁਖ਼ ਕਰਨ ਲੱਗੇ ਹਨ।

ਆਸਟ੍ਰੇਲੀਆ ਦੂਤਾਘਰ ਵੱਲੋਂ ਅਧਿਕਾਰਤ ਵੀਜ਼ਾ ਸਲਾਹਕਾਰ ਏਜੰਸੀ ”ਤ੍ਰਿਵੇਦੀ ਓਵਰਸੀਜ਼” ਮੁਤਾਬਕ ਹਰ ਸਾਲ ਪੰਜਾਬ ਤੋਂ ਤਕਰੀਬਨ 10 ਹਜ਼ਾਰ ਲੋਕ ਉੱਥੇ ਦਾ ਰੁਖ਼ ਕਰ ਰਹੇ ਹਨ। ਇਸ ”ਚ ਵਧ ਗਿਣਤੀ ਅਜਿਹੇ ਪੇਂਡੂ ਨੌਜਵਾਨਾਂ ਦੀ ਹੈ, ਜਿਨ੍ਹਾਂ ਦਾ ਕੰਮ-ਧੰਦਾ ਖੇਤੀਬਾੜੀ ਦਾ ਹੈ। ਆਸਟ੍ਰੇਲੀਆ ”ਚ 80 ਫੀਸਦੀ ਖੇਤੀ ਯੋਗ ਜ਼ਮੀਨ ਪਈ ਹੈ ਖਾਲੀ

ਜ਼ਿਕਰਯੋਗ ਹੈ ਕਿ ਖੇਤਰਫਲ ਦੇ ਹਿਸਾਬ ਨਾਲ ਆਸਟ੍ਰੇਲੀਆ, ਭਾਰਤ ਤੋਂ ਤਿੰਨ ਗੁਣਾ ਵੱਡਾ ਹੈ ਪਰ ਉਸ ਦੀ ਆਬਾਦੀ ਸਿਰਫ 2.2 ਕਰੋੜ ਹੈ। ਇਹ ਪੰਜਾਬ ਦੀ ਆਬਾਦੀ ਤੋਂ ਵੀ ਘੱਟ ਹੈ। ਆਸਟ੍ਰੇਲੀਆ ”ਚ ਲਗਭਗ 80 ਫੀਸਦੀ ਖੇਤੀ ਯੋਗ ਜ਼ਮੀਨ ਬੇਕਾਰ ਪਈ ਹੈ। ਆਰਥਿਕ ਤਰੱਕੀ ਨੂੰ ਲੈ ਕੇ ਆਸਟ੍ਰੇਲੀਆ ਸਰਕਾਰ ਚਾਹੁੰਦੀ ਹੈ ਕਿ ਬਾਹਰ ਤੋਂ ਲੋਕ ਉੱਥੇ ਆਉਣ ਅਤੇ ਜ਼ਮੀਨਾਂ ਖਰੀਦ ਕੇ ਉਸ ”ਤੇ ਖੇਤੀਬਾੜੀ ਕਰਨ।

ਆਪਣੇ ਉਤਸ਼ਾਹੀ ਮਕਸਦ ਨੂੰ ਅੱਗੇ ਵਧਾਉਂਦੇ ਹੋਏ ਆਸਟ੍ਰੇਲੀਆ ਦੀ ਸਰਕਾਰ ਨੇ ਵਿਦੇਸ਼ੀ ਕਿਸਾਨਾਂ ਲਈ ਆਪਣੇ ਕਾਨੂੰਨ ”ਚ ਵੀ ਸਹੂਲਤਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। (ਤੁਸੀਂ ਪੜ੍ਹ ਰਹੇ ਹੋ ਉੱਨਤ ਖੇਤੀ) ਸਰਕਾਰ ਅਧੀਨ ਕੰਮ ਕਰਨ ਵਾਲੇ ਵਿਦੇਸ਼ੀ ਨਿਵੇਸ਼ ਸਮੀਖਿਆ ਬੋਰਡ ਨੇ ਤਾਂ ਅਜਿਹੇ ਲੋਕਾਂ ਨੂੰ ਛੋਟ ਦੇਣੀ ਵੀ ਸ਼ੁਰੂ ਕਰ ਦਿੱਤੀ ਹੈ, ਜੋ 50 ਲੱਖ ਆਸਟ੍ਰੇਲੀਅਨ ਡਾਲਰ ਦੇ ਹੇਠਾਂ ਦੀ ਕੀਮਤ ਵਾਲੀ ਜ਼ਮੀਨ ਖੇਤੀਬਾੜੀ ਲਈ ਖਰੀਦਣਾ ਚਾਹੁੰਦੇ ਹਨ।

ਨਵੇਂ ਨਿਯਮਾਂ ਮੁਤਾਬਕ, ਜੇਕਰ ਕੋਈ ਕਿਸਾਨ 50 ਲੱਖ ਆਸਟ੍ਰੇਲੀਅਨ ਡਾਲਰ ਤੋਂ ਹੇਠਾਂ ਦੀ ਜ਼ਮੀਨ ਖਰੀਦਦਾ ਹੈ, ਤਾਂ ਉਸ ਨੂੰ ਸਰਕਾਰ ਵੱਲੋਂ ਮਨਜ਼ੂਰੀ ਲੈਣ ਦੀ ਜ਼ਰੂਰਤ ਨਹੀਂ ਹੋਵੇਗੀ। ਆਸਟ੍ਰੇਲੀਆਈ ਸਰਕਾਰ ਬਕਾਇਦਾ ਵਿਦੇਸ਼ੀ ਕਿਸਾਨਾਂ ਨੂੰ ਖੇਤੀ ਦੀਆਂ ਜ਼ਮੀਨਾਂ ਦੀ ਰਜਿਸਟਰੀ ਵੀ ਕਰਾ ਕੇ ਦੇ ਰਹੀ ਹੈ। ਤ੍ਰਿਵੇਦੀ ਓਵਰਸੀਜ਼ ਮੁਤਾਬਕ ਪੰਜਾਬ ਦੇ ਕਈ ਪਰਿਵਾਰ ਤਾਂ ਬਕਾਇਦਾ ਆਪਣੀਆਂ ਖੇਤੀਬਾੜੀ ਜ਼ਮੀਨਾਂ ਵੇਚ ਕੇ ਆਸਟ੍ਰੇਲੀਆ ਜਾ ਕੇ ਵੱਸ ਚੁੱਕੇ ਹਨ।

ਕੀਮਤਾਂ ”ਚ ਜ਼ਮੀਨ-ਆਸਮਾਨ ਦਾ ਫਰਕ

ਭਾਰਤੀ ਕਿਸਾਨਾਂ ਮੁਤਾਬਕ, ਆਸਟ੍ਰੇਲੀਆ ”ਚ ਜ਼ਮੀਨ ਵੀ ਬਹੁਤ ਸਸਤੀ ਮਿਲ ਰਹੀ ਹੈ ਅਤੇ ਮੁਨਾਫਾ ਵੀ ਜ਼ਿਆਦਾ ਹੈ। ਪੰਜਾਬ ”ਚ ਔਸਤ ਜਿੱਥੇ 20 ਲੱਖ ਰੁਪਏ ਪ੍ਰਤੀ ਏਕੜ ਜ਼ਮੀਨ ਦਾ ਮੁੱਲ ਹੈ, ਉੱਥੇ ਹੀ ਆਸਟ੍ਰੇਲੀਆ ਦੇ ਅੰਦਰੂਨੀ ਇਲਾਕਿਆਂ ”ਚ ਖੇਤੀਬਾੜੀ ਲਈ ਜ਼ਮੀਨ 2 ਲੱਖ ਰੁਪਏ ਪ੍ਰਤੀ ਏਕੜ ਦੇ ਹਿਸਾਬ ਨਾਲ ਆਸਾਨੀ ਨਾਲ ਮਿਲ ਜਾਂਦੀ ਹੈ।

10 ਏਕੜ ਵੀ ਖਰੀਦ ਸਕਦੇ ਹੋ ਜ਼ਮੀਨ

ਬਹੁਤ ਸਾਰੇ ਲੋਕ ਇੰਨ‍ਵੇਸ‍ਟ ਕਰਨ ਲਈ ਖੇਤੀ ਦੀ ਜ਼ਮੀਨ ਨੂੰ ਚੁਣਦੇ ਹਨ ਤਾਂ ਆਸਟ੍ਰੇਲੀਆ ਉਨ੍ਹਾਂ ਦੇ ਲਈ ਬਿਹਤਰ ਆਪ‍ਸ਼ਨ ਹੋ ਸਕਦਾ ਹੈ ।ਆਸਟ੍ਰੇਲੀਆ ਵਿੱਚ ਪੈਰ ਜਮਾਉਣ ਲਈ ਅਜਿਹਾ ਨਹੀਂ ਕਿ ਕਰੋੜਾ ਰੁਪਏ ਤੋਂ ਸ਼ੁਰੁਆਤ ਹੋਵੇ ਸਗੋਂ ਕੁਝ ਲੱਖ ਰੁਪਏ ਤੋਂ ਵੀ ਸ਼ੁਰੁਆਤ ਹੋ ਸਕਦੀ ਹੈ ।

ਉੱਥੇ ਭਾਰਤੀ ਕਿਸਾਨਾਂ ਨੂੰ ਐਗਰੀਕਲਚਰ ਲੈਂਡ 10 ਏਕੜ ਤੱਕ ਵੀ ਮਿਲ ਜਾਵੇਗੀ ਅਤੇ ਤੁਸੀ ਖੇਤੀ ਕਰ ਸਕਦੇ ਹੋ ।ਪੰਜਾਬ ਦੇ ਬਹੁਤ – ਸਾਰੇ ਕਿਸਾਨ ਉੱਥੇ ਇਸੇ ਤਰ੍ਹਾਂ ਜਾਂ ਤਾਂ ਆਪਣੇ ਆਪ ਖੇਤੀ ਕਰਦੇ ਹਨ ਜਾਂ ਫਿਰ ਜ਼ਮੀਨ ਨੂੰ ਠੇਕੇ ਉੱਤੇ ਦਿੱਤਾ ਹੋਇਆ ਹੈ ।

ਪੀਏਊ ਤੋਂ ਲਓ ਟ੍ਰੇਨਿੰਗ

ਪੰਜਾਬ ਐਗਰੀਕਲਚਰ ਯੂਨੀਵਰਸਿਟੀ ਵਿੱਚ ਆਸਟ੍ਰੇਲੀਆ ਅਤੇ ਪੱਛਮੀ ਦੇਸ਼ਾਂ ਵਿੱਚ ਖੇਤੀ ਲਈ ਕੋਰਸ ਉਪਲਬ‍ਧ ਕਰਾਏ ਜਾ ਰਹੇ ਹਨ ।ਦਰਅਸਲ , ਉੱਥੇ ਜਲਵਾਯੂ ਅਤੇ ਤਕਨੀਕ ਨੂੰ ਲੈ ਕੇ ਜਾਣਕਾਰੀ ਦਿੱਤੀ ਜਾਂਦੀ ਹੈ ਜਿਸਦੇ ਨਾਲ ਕਿਸਾਨਾਂ ਨੂੰ ਕੋਈ ਪਰੇਸ਼ਾਨੀ ਨਾ ਹੋਵੇ ।

ਮਸ਼ੀਨਾਂ ਨੂੰ ਚਲਾਉਣ ਅਤੇ ਸਮਝਣ ਲਈ ਪੀਏਊ ਆਸਟ੍ਰੇਲੀਆ ਦੇ ਸੰਸ‍ਥਾਨਾਂ ਨਾਲ ਮਿਲਕੇ ਕੋਰਸ ਚਲਾ ਰਹੀ ਹੈ ।ਪੀਏਊ ਆਸਟ੍ਰੇਲੀਆ ਵਿੱਚ ਫਲੋਰੀਕਲ‍ਚਰ ਅਤੇ ਹੋਰਟਿਕਲ‍ਚਰ ਫਸਲਾਂ ਦੀ ਖੇਤੀ ਲਈ ਵੀ ਟ੍ਰੇਨਿੰਗ ਪ੍ਰੋਗਰਾਮ ਚਲਾ ਰਹੀ ਹੈ ।